Ngā Kaupapa
TĀMATA TOIERE
He puna mātauranga hohonu a Tāmata Toiere, e tiaki ana i ngā waiata me ngā haka a te Māori. E taea ana e te paetukutuku nei te pupuru ngā kōnae whakaahua, whakaataata, me te puoro. Nā tēnei e āhei ana e te hunga whakamahi i tēnei paetukutuku te kite i ngā kōrero katoa mō tētahi titonga kit e wāhi Kotahi, arā, ngā kupu, ētahi whakamārama mō te horopaki o te titonga, te take i titoa ai ia, ētahi kōrero mō te kaitito, kōnae puoro, kōnae whakaataata, ētahi whakaahua, tae atu hoki ki ētahi whakapuakanga ki te hiahia rangahau i tōna whānuitanga.
I tēnei wā tonu, e aro ana mātou ki te whakaemi, ki te whakawhānui i ngā kai o tēnei pātaka waiata, tae atu ki ētahi atu whakamārama mō ngā titotanga a Tākuta Tīmoti Kāretu. Ki te hiahia koe ki te tuku i ētahi o āu titotanga ā-kaitito, ā-kapa rānei, tēnā whakapā mai ki a mātou, ka kōrero tahi ai tātou.