Ngā Kaupapa

TE WHANAKE

Nō tōna whakatūnga i te tau 2008, whai ai a Te Ipukarea i ngā hiahia kia waihanga ētahi rauemi ako i te reo Māori mō te hapori reo Māori o Aotearoa.  Ko Te Whanake tērā, me ōna kohinga rauemi matihiko reo Māori katoa, kua hau ōna rongo ki tua atu o tēnei whenua, ki ngā tōpūtanga pēnei i a Apple, e mīharo ana ki Te Whanake e whakamahi ana i te ipurangi, i ngā pūmanawa tautono, me ērā tū momo hangarau ki te whakarauora i ngā reo, me te whakahaere hoki i te ako i te reo i waenga i ngā hapori tūāporoporo ki ēnei hangarau rāwekeweke.

Ko ētahi o ngā taonga kei tēnei kāhui rauemi o Te Whanake ko tētahi kohinga kiriata pakiwaituhi me ōna taumahi; tētahi kohinga iripaoho me ōna taumahi whakarongo; ētahi romanga hōtaka hei whakawhanake i ngā pukenga whakarongo; te pūmanawa tautono Te Whanake ki runga īPapa; te papakupu, Te Aka, kei runga paetukutuku, kei runga pūmanawa tautono anō hoki; me te hōtaka kei te pouaka whakaaro e kīia nei ko Tōku Reo.

http://www.tewhanake.maori.nz/