Te Whanake kei te ipurangi

Te whāinga me te tirohanga whānui

Kia tuhia ētehi kōrerorero mō ngā pakiwaituhi (arā, mō ngā animations), ētehi mahi hei ako hoki ai i te reo e hāngai ana ki ngā pukapuka matua o Te Whanake, arā, o Te Pihinga, o Te Māhuri, me Te Kōhure te whāinga matua o tēnei kaupapa mahi.

Tirohanga Whānui

Kia taea ai e te tangata te reo Māori te ako kore utu mā te ipurangi, ka tuhia ngā kōrero mō ngā pakiwaituhi, ka hopukina ngā reo me ngā waiata hei āwhina i te tauira ki te mahi whakarongo, ka tuhia anō hoki ngā mahi hei ako i te reo e hāngai ana ki ngā pukapuka matua o Te Whanake.

Kua oti rānei te whakarite ngā mahi?

Kua tīmata kē, ā, ka oti ngā kōrero mō ngā pakiwaituhi me ngā mahi mō Te Pihinga i te tau 2009.  Ka oti ngā mahi mō Te Māhuri me Te Kōhure i te tīmatanga o 2010. Ka hopukina ngā reo mō ngā pakiwaituhi me ngā mahi ā mua o te mutunga o te tau 2010.

Mā wai e taki ngā mahi?

E ārahi ana a Professor John Moorfield i te rōpū rangahau.  Ko aua kaimahi he ākonga Tohu Kairangi kei Te Wānanga Aronui o Tāmaki Mākau Rau, arā, ko Wahineata Smith rātou ko Rachael Ka’ai-Mahuta, ko Dean Mahuta.

Hei tauira

E whai ake nei te hononga ki te pakiwaituhi me ngā mahi mō te Kōwae 2 o Te Kākano