Whāinga

Kia āta whakaritea he anga paerewa (arā he quality standards framework) mō te reo mā ngā ākonga me ngā kaiako o te reo kei roto i ngā whare wānanga, i ngā kuratini, i ngā wānanga hoki.

Tirohanga whānui

Ka taea e ngā ākonga pakeke te whare wānanga, te wānanga, te kuratini, Te Ataarangi rānei te whiriwhiri ki te ako i te reo Māori. Kāore anō kia tuhia he anga reo e tika ana hei aromatawai i te pai o te reo e ākona ana i te katoa o ēnei momo wāhi.

Ko te whāinga o tēnei kaupapa ko te tuhi i te anga reo e hāngai ana ki ngā whare wānanga, ki ngā kuratini, ki ngā wānanga, ki a Te Ataarangi hoki hei āwhina i ngā ākonga me ngā kaiako ki te āta ako i ngā āhuatanga o te reo e tika ana.

Kua oti rānei te whakarite ngā mahi nei?

Āe. Kua oti mārika tēnei kaupapa. Tirohia ngā whakamahuki kua tāpiri atu ki te paetuku nei. He kōrero ēnei e whakaraupapa haere ana i ngā mātāpono, i ngā rautaki mō te reo Māori. 

He Anga Reo Executive Summary 

Mehemea he pātai āu, e hiahia ana rānei koe i te anga reo hei tirohanga māu, hei whakamahinga māu, tēnā tono mai ki Te Ipukarea. Kua roa rawa a Te Ipukarea e whakapeto ngoi ana kia whakaritea tēnei o ngā tūāpapa mō te whakaako i te reo Māori. Tēnā, e rau rangatira mā, tāria, whakamahia, wānangatia!

 

Mā wai e taki ngā mahi?

E arahina ana tēnei kaupapa e Tania Ka‘ai, Te Ihorei o Te Ipukarea.