Te Ipukarea

He Pitopito kōrero: Panui

  • 09 March 2012 - Panui,

    Kua takoto te mānuka!

    Kātahi anō a Te Ipukarea me te Te Wānanga Aronui o Tāmaki-makau-rau, ka whakarewangia i tēnei o ngā kaupapa nui whakaharahara. Ka mutu, he pakanga kei te haere!

    He whakataetae waihanga kōrero Māori tēnei kua whakaritea motuhaketia mō te hunga whakaaro nui ki te reo Māori e 6-18 tau te pakeke. He waihanga kōrero poto, he tito waiata, haka rānei te mahi. Ko tā te kaupapa nei he whakawātea i te ara e taea ai e ngā mokopuna e ngana ana ki te whai i ngā mahi waihanga kōrero, tito waiata rānei, ō rātou pūkenga whakaaro hoki, te whakapuaki. Ka mutu, ko tā te kaupapa e whai nei, kia rangiwhāwhā ake te rangona o te reo Māori i ēnei tū horopaki.

    E tū ana tēnei whakataetae mai i te 1 o Poutū-te-rangi ki te 1 o Pipiri. Hei te paetukutuku nei ētahi atu whakamahuki e pā ana ki a He Huatau Auaha.

    hoki atu ki Panui

.
.