Te Ipukarea
He Pitopito kōrero: Pānui
-
07 February 2012 - Pānui
He reo rangatira, he tangata rangatira.
Ka whitikina te tau 2012 e Tama-nui-te-rā, ka whakahōnoretia te tangata. I tēnei tau i uwhia a Tākuta Te Wharehuia Milroy ki te korowai o te CNZM mō tāna whakapeto ngoi ki ngā kaupapa mō te reo Māori. Kua roa a Te Wharehuia e mahi ana mō te reo Māori, tē hongehongeā tēnei mātanga reo i tāna mahi ki te whakatairanga i tō tātou reo.
Nō reira, kei te rangatira, kei te ruānuku, kei te Pāpā o Te Panekiretanga o te Reo Māori, kei te taituarā o Te Ipukarea, nei rā ngā mihi nunui mō tēnei hōnore kua uwhia ki runga i a koe me tō mātou mōhio e tino tika ana mōu. Nōu me te reo te whakamānawa.
Nā ngā hoa o Te Ipukarea
.
.
